Prezident Łatvii «adpaliŭ» z repierami napiaredadni inaŭhuracyi
Novy prezident Łatvii Rajmand Viejonis napiaredadni inaŭhuracyi, što projdzie 8 lipienia, niečakana dla hledačoŭ uziaŭ udzieł u vystupie rep-hurtu Olas, što vykonvaŭ svoj chit «#Prezidents» padčas konkursu baskietbolnych słam-dankaŭ Sprite Kings of Air.
Viejonis źjaviŭsia na baskietbolnaj placoŭcy ŭ toj momant, kali Olas i Renars Zełtyńš vykonvali prypieŭ iraničnaj pieśni («Kur tu esi, mans prezident?» — «Dzie ty, moj prezident?»). Hledačy sustreli źjaŭleńnie Viejonisa avacyjaj.
Paźniej muzyki sfatahrafavalisia z prezidentam, adzin ź ich supravadziŭ zdymak podpisam «Prezident choča fota, a ja nie hladžu».