Pucin abviaściŭ pra pačatak baraćby BRIKS z «adradžeńniem ideałohii nacyzmu»
Lidary krain BRIKS majuć namier razam supraćstajać teraryzmu i nie dapuskać ideałohiju nacyzmu, zajaviŭ prezident RF Uładzimir Pucin, padvodziačy vyniki paśla zaviaršeńnia asnoŭnych rabočych mierapryjemstvaŭ na samicie va Ufie.
«Lidary našych dziaržaŭ damovilisia i dalej ažyćciaŭlać u ramkach BRIKS ciesnuju kaardynacyju pa pytańniach źniešniaj palityki. Našy krainy praciahnuć uzajemadziejańnie ŭ AAN… My majem namier razam supraćstajać pahrozam raspaŭsiudžvańnia teraryzmu i ekstremizmu, nie dapuskać adradžeńnia ideałohii nacyzmu, razam unosić układ u baraćbu z handlem narkotykami i piractvam», — skazaŭ Pucin.
Havoračy pra nacyzm, jon nie ŭdakładniŭ, ad jakich krain zychodzić najbolšaja niebiaśpieka.