Kasiljas pierachodzić z «Reała» ŭ «Portu»
Hałkipier madrydskaha «Reała» Ikier Kasiljas dasiahnuŭ pahadnieńnia z kiraŭnictvam kłuba adnosna ŭmoŭ svajho pierachodu ŭ «Portu», paviedamlaje championat.com sa spasyłkaj na Onda Cero.
isportstimes.com
Pavodle infarmacyi krynicy, Kasiljas admoviŭsia ad častki naležnaj jamu sumy, paznačanaj u jaho kantrakcie z «Karaleŭskim kłubam». Pahadnieńnie Kasiljasa z «Reałam» było ŭ sile da leta 2017 hoda, i za hety čas jon pavinien byŭ atrymać kala €25 młn biez vyliku padatkaŭ.
U bližejšyja hadziny vartavy varot zbornaj Ispanii pavinien padpisać kantrakt z «Portu». Kasiljas raźvitajecca z «Reałam» i jaho zaŭziatarami 11 lipienia na pres-kanfierencyi.
Spartyŭny dyrektar «Portu» Piedru Praensa padzialiŭsia mierkavańniem adnosna pierachodu Ikiera Kasiljasa ŭ stan partuhalcaŭ, piša merengues.ru:
«Portu» — vialiki kłub, jaki pryvučyŭ svaich zaŭziataraŭ da pośpiechaŭ, z prychodam Kasiljasa my spadziajomsia znoŭ viarnuć sabie tytuł čempijona Partuhalii. Tut Ikier stanie sapraŭdnaj ikonaj.
My havorym pra najlepšaha hałkipiera ŭ śviecie, jaki vyjhraŭ usio, što tolki mahčyma. Partuhalija ŭ čakańni, a Kasiljas choča hulać za «Portu».