U Viciebsku padčas «Słavianskaha bazaru» nieviadomy mužčyna napaŭ na dziaŭčynku FOTA
Pieršamajski RAUS Viciebska šukaje nievyśvietlenaha mužčynu, jaki 8 lipienia kala 17:30 kala doma №22-7 pa praśpiekcie Budaŭnikoŭ ździejśniŭ dziejańni seksualnaha charaktaru ŭ dačynieńni da małaletniaj dziaŭčynki.
Zhodna z aryjenciroŭkaj, napadnik — mužčyna 35-40 hadoŭ, rost kala 175-180 santymietraŭ, siaredniaha ciełaskładu, tvar avalny, smuhlavy (zahareły), pryčoska «placoŭka», na adnoj z ruk tatuiroŭka ŭ rajonie pieradplečča abo na łokcievym zhinie.
Apranuty jon byŭ u čornyja štany, čornuju majku z karotkim rukavom, pry sabie mieŭ sumku z-pad noŭtbuka čornaha koleru.
Milicyja prosić hramadzian, jakija vałodajuć jakoj-niebudź značnaj infarmacyjaj ab asobie, što ździejśniła napad, paviedamić jaje pa telefonach 5489002 (MTS) abo pa 102. Harantujucca ŭznaharodžańnie i kanfidencyjnaść.