Hałoŭnyja VNU krainy ahučyli novyja ceny na płatnaje navučańnie
fota Vadzima Zamiroŭskaha, tut.by
Biełaruskija ŭniviersitety skončyli pryjom dakumientaŭ na biudžet. U patencyjnych studentaŭ-płatnikaŭ jašče jość čas vyznačycca z vybaram śpiecyjalnaści da 2 žniŭnia. Niekatoryja viadučyja VNU krainy ŭžo vyznačylisia z novymi cenami na navučańnie. Ceny vyraśli na 10-15%.
Samaje darahoje navučańnie ŭ krainie prapanuje Biełaruski dziaržaŭny univiersitet. Za maksimalnyja 24 młn 680 tys. rubloŭ tut hatovy navučyć mižnarodnamu pravu na fakultecie mižnarodnych adnosin, a taksama pravaznaŭstvu i ekanamičnamu pravu na jurfaku.
Na druhim miescy pa koštach apynulisia «Linhvakrainaznaŭstva» i «Mižnarodnyja adnosiny» na FMA, śpiecyjalnaść «Dyzajn» na fakultecie sacyjakulturnych kamunikacyj i «Uschodniaja fiłałohija» na fiłfaku - 24.360.000 rubloŭ. Zamykaje trojku ekanamičny fakultet z koštam navučańnia 23.940.000 u hod.
Mienš za ŭsio za vučobu daviadziecca płacić budučym sacrabotnikam na fakultecie sacyjakulturnych kamunikacyj i fiłołaham biełaruskaj i ruskaj moŭ — 17.660.000 rubloŭ u hod.
U cełym adukacyja ŭ viadučaj VNU krainy ŭ paraŭnańni ź minułym hodam padaražeła na 2,3-3,1 miljona.
Hod vučoby na zavočku ŭ BDU budzie kaštavać studentam-płatnikam 8.180.000 rubloŭ.
U Biełaruskim dziaržaŭnym ekanamičnym univiersitecie płatnaja adukacyja dla pieršakurśnikaŭ u paraŭnańni ź minułym hodam padaražeła na 2,2 miljona (13%). U zaležnaści ad śpiecyjalnaści pieršy hod navučańnia na dzionnym adździaleńni budzie kaštavać studentam VNU ŭ sumu ad 19.253.000 da 19.641.000 rubloŭ.
Zavočnaje navučańnie budzie kaštavać 6.331.000 rubloŭ u hod.
Biełaruski nacyjanalny techničny ŭniviersitet pavialičyŭ ceny na 10-15%. U hetym hodzie pieršakurśnikam pryjdziecca zapłacić za vučobu ad 18.402.000 rubloŭ na aŭtatraktarnym abo spartyŭnym-techničnym fakultetach da 20.313.000 rubloŭ na enierhietyčnym fakultecie. Maksimalnaja suma taksama vystaŭlena za «mytnaja sprava» i śpiecyjalnaści, źviazanyja ź infarmacyjnymi technałohijami.
Na zavočnaje ŭ BNTU ceny značna nižej, čym na dzionnym, — ad 6,7 da 8,3 miljona.
Stać ajcišnikam možna za 19,2-23,5 miljona ŭ hod. Takija košty na navučańnie vystaviŭ Biełaruski dziaržaŭny univiersitet infarmatyki i radyjoelektroniki. U paraŭnańni ź minułym hodam jany vyraśli da 15% — na 2,5-2,8 miljona. Samuju darahuju adukacyju tut dajuć na fakultecie kampjuternych sistem i sietak.
Na zavočnym adździaleńni hod vučoby abyjdziecca płatnikam ŭ 7.820.000 rubloŭ.
BDPU imia Maksima Tanka na bolšaści śpiecyjalnaściaŭ hatovy padrychtavać budučych piedahohaŭ za 15.713.600 rubloŭ. Vučoba z pahłyblenym vyvučeńniem zamiežnaj movy budzie kaštavać krychu daražej — 15.986.000 rubloŭ. Vyšej ceny i na tvorčych fakultetach «pieda», źviazanych z muzyčnym i vyjaŭlenčym mastactvam — ad 16,5 da 17,3 miljona.
Košt navučańnia na zavočku — ad 6,4 miljona.
U Minskim dziaržaŭnym linhvistyčnym univiersitecie za hod vučoba dla pieršakurśnikaŭ padaražeła na 2,4 miljona (15%) - da 18.460.000 rubloŭ.
Vučycca zavočna ŭ MDŁU ŭ try razy tańniej. Takaja adukacyja kaštuje 6.250.000 rubloŭ u hod.
U Akademii kiravańnia pry prezidencie ceny na płatnaje navučańnie nie źmianilisia i zastalisia na letašnim uzroŭni — 18.380.000 rubloŭ na dzionnym adździaleńni i 7.870.000 rubloŭ na zavočnym.
Raniejšymi zastalisia ceny i Biełaruskim dziaržaŭnym miedycynskim univiersitecie. Daražej za ŭsio navučańnie abyjdziecca budučynia stamatołaham — 22.980.000 rubloŭ u hod. Na «lačebnuju spravu», «piedyjatryju» i «farmaceŭtyku» adukacyja kaštuje tańniej — 19.680.000 rubloŭ, na «miedyka-prafiłaktyčnuju spravu» — 18 miljonaŭ.
Tvorčyja VNU z koštam płatnaj adukacyi na nastupny navučalny hod pakul nie vyznačylisia.