Urad Rasii daŭ dabro na kredyt dla Biełarusi ŭ pamiery $760 młn
Urad Rasii ŭchvaliŭ pahadnieńnie ab vydačy Biełarusi dziaržkredytu ŭ rublach na sumu, ekvivalentnuju $760 młn. Adpaviednaje rasparadžeńnie Kabinieta ministraŭ apublikavana na aficyjnym internet-partale pravavoj infarmacyi.
U dakumiencie adznačajecca, što kredyt dajecca dla absłuhoŭvańnia i pahašeńnia kredytaŭ, vydadzienych raniej Biełarusi Rasijaj i Jeŭrazijskim fondam stabilizacyi i raźvićcia. Kredyt budzie pahašacca 13 roŭnymi paŭhadavymi dolami 15 lutaha i 15 žniŭnia kožnaha hoda, pry hetym pieršy płaciež pavinien pastupić 15 lutaha 2019 hoda.
U hetym hodzie Rasija ŭžo vydała Biełarusi $110 młn na pahašeńnie pracentaŭ pa rasijskim kredycie, vydadzienym u 2010 hodzie.
Niadaŭna ministr finansaŭ RF Anton Siłuanaŭ paviedamiŭ žurnalistam u Maskvie, što Biełaruś źviarnułasia z prośbaj da Rasii ab vydačy joj kredytu na $3 młrd.
U Ministerstvie finansaŭ Biełarusi patłumačyli, što respublika ŭ pieršaj pałavinie 2015 hoda padała zajaŭku na novy kredyt u pamiery $3 młrd u Antykryzisny fond JeŭrAzES (ciapier pierajmienavany ŭ Jeŭrazijski fond stabilizacyi i raźvićcia (JEFSR). U pačatku lipienia Jeŭrazijski bank raźvićcia prainfarmavaŭ, što JEFSR rychtuje zaklučeńnie pa zajaŭcy Biełarusi na atrymańnie kredytu.
Čytajcie taksama: Ministry jeŭrazony vyrašyli dać Hrecyi 7 młrd jeŭra