Łukašenka nie padtrymaŭ prapanovu ab stvareńni adzinaj kamvolna-sukonnaj vytvorčaści
Alaksandr Łukašenka nie padtrymaŭ prapanovu ab stvareńni adzinaj kamvolna-sukonnaj vytvorčaści. Ab hetym jon zajaviŭ siońnia na naradzie, pryśviečanaj razhladu chodu madernizacyi AAT «Kamvol».
Alaksandr Łukašenka nahadaŭ, što nie adzin raz źviartaŭsia da pytańniaŭ dziejnaści pradpryjemstvaŭ «Kamvol» i «Sukno», byŭ na hetych pradpryjemstvach. «Tady my prymali kankretnyja rašeńni. Byli vyznačany adkaznyja ludzi za vykanańnie rašeńniaŭ», - skazaŭ kiraŭnik dziaržavy. Łukašenka pacikaviŭsia ŭ prysutnych na naradzie, jak vykonvajucca jaho daručeńni.
Kiraŭniku dziaržavy paviedamlena ab chodzie madernizacyi «Kamvol». U pryvatnaści, na pradpryjemstvie zmanciravana i pracuje častka abstalavańnia. U toj ža čas, pavodle infarmacyi kantralujučych orhanaŭ, terminy madernizacyi zaciahvajucca, pavialičvajecca košt budaŭniča-mantažnych rabot. Prezident daŭ strohaje daručeńnie prytrymlivacca pieršapačatkova vyznačanych terminaŭ, a taksama prarevizavać košt.
Jon zapatrabavaŭ nie tolki zachavać abodva pradpryjemstvy, ale i rabočyja miescy na ich, efiektyŭna pravieści madernizacyju, kab pradpryjemstva było kankurentazdolnym u doŭhaterminovym pieryjadzie.
Alaksandr Łukašenka maje namier u kancy vieraśnia naviedać «Kamvol», kab asabista prakantralavać jak zaviaršajecca madernizacyja, a ŭ kancy hoda pabyvać tut jašče raz, kab pa vynikach vykanańnia madernizacyi jašče raz viarnucca da pytańnia ab abjadnańni «Kamvol» i «Sukno».