Iłžemilicyjanty abvinavačanyja ŭ rabavańni i hvałtavańni prastytutak
Ź niekatorych u siabie doma ździekavalisia pa 2-3 dni.
Pavodle materyjałaŭ 10 upraŭleńnia pa Minskaj vobłaści HUBAZiK, MUS raspačataja kryminalnaja sprava suprać čatyroch žycharoŭ Minskaha rajona, čyimi achviarami stali žančyny, jakija zajmalisia prastytucyjaj, paviedamlajecca na sajcie MUS.
Mužčyny 24-29 hod vykarystoŭvali kašuli, šaŭrony i pahony nieviadomaha ŭzoru, imitacyi paśviedčańniaŭ supracoŭnikaŭ MUS i kabury ź pnieŭmatyčnymi pistaletami. Pad vyhladam milicyjantaŭ adymali hrošy ŭ prastytutak, hvałcili ich i vyvozili za horad.
Niekatorych achviar złačyncy trymali ŭ siabie doma pa 2-3 dni, dzie ździekavalisia ź ich.
Paviedamlajecca, što złačyncy paznajomilisia ŭ miescach pazbaŭleńnia voli, adkul vyjšli kala dvuch hod tamu. Jany ŭśviedamlali nielehalny status prastytutak, čym vyrašyli skarystacca. Vyznačana bolš za 10 žančyn va ŭzroście 25-30 hod, jakija stali ich achviarami.
Try ŭdzielniki złačynnaj hrupoŭki źmieščanyja ŭ SIZA, jašče adzin adpuščany pad abaviazalnictva pra jaŭku. Raspačatyja spravy pa siami artykułach kryminalnaha kodeksu RB pa ciažkich i asabliva ciažkich złačynstvach. HUBAZiK i Śledčy kamitet šukajuć inšych udzielnikaŭ złačynnaj hrupoŭki i mahčymych paciarpiełych.