Biškiek razryvaje damovu z ZŠA ab supracoŭnictvie
U aŭtorak u pres-słužbie ŭrada Kyrhyzstana paviedamili, što premjer-ministr Temir Saryjeŭ padpisaŭ pastanovu ab skasavańni hetaha dakumienta.
Zhodna z pastanovaj, pahadnieńnie budzie denansavana z 20 žniŭnia 2015 hoda.
Takoje rašeńnie ŭrada Kyrhyzstana było pryniata paśla taho, jak Dziarždepartament ZŠA prysudziŭ kyrhyzstanskamu pravaabaroncu Azimžana Askaravu, asudžanamu ŭ Kyrhyzstanie na pažyćciovaje źniavoleńnie pa abvinavačvańni va ŭdziele ŭ mižetničnym kanflikcie ŭ červieni 2010 hoda, premiju «Abaronca pravoŭ čałavieka». Uznaharodžańnie adbyłosia 16 lipienia ŭ Vašynhtonie. Uznaharodu atrymaŭ syn pravaabaroncy.
U pasolstvie ZŠA ŭ Biškieku zajavili, što Vašynhton rasčaravany namieram Kyrhyzstana denansavać dvuchbakovaje pahadnieńnie.
Pahadnieńnie pamiž Biškiekam i Vašynhtonam było padpisana ŭ traŭni 1993 hoda i tyčycca pytańniaŭ supracoŭnictva z metaj palahčeńnia pradastaŭleńnia humanitarnaj dapamohi Kyrhyzstanu. Na padstavie pahadnieńnia Kyrhyzstana akazvałasia dapamoha pa šerahu prahram, jakija pravodziła Ahienctva ZŠA pa mižnarodnym raźvićci (USAID).