Raśsielhasnahlad nie prapuściŭ amal 23 tony farerskaha łasosia, što ŭvozilisia ź Biełarusi
Upraŭleńnie Raśsielhasnahladu pa Branskaj i Smalenskaj abłaściach zabaraniła ŭvoz ź Biełarusi amal 23 ton zamarožanych bruškaŭ łasosia vytvorčaści Farerskich astravoŭ (Danija).
Pavodle infarmacyi viedamstva, hruz supravadžaŭsia siertyfikatam, vydadzienym biełaruskaj vieterynarnaj słužbaj. U vyniku praviedzienaj Raśsielhasnahladam pravierki infarmacyi ab pastaŭkach pradukcyi pradpryjemstvaŭ Farerskich astravoŭ była ŭstanoŭlena adsutnaść papiaredniaha paviedamleńnia na pastaŭku hetaj partyi.
Raśsielhasnahlad nakiravaŭ aficyjnamu vieterynarnamu ŭraču dziaržaŭnaj vieterynarnaj słužby Farerskich astravoŭ kopiju vieterynarnaha siertyfikata, u supravadžeńni jakoha pradukcyja pastupiła na terytoryju Biełarusi, dla paćviardžeńnia jaho sapraŭdnaści. Pavodle papiaredniaj infarmacyi vieterynarnaj słužby Farerskich astravoŭ, hety vieterynarny siertyfikat nie afarmlaŭsia. Pradukcyja zatrymana, pravodzicca dalejšy razbor. Raśsielhasnahlad padrychtavaŭ adpaviednyja zapyty ŭ vieterynarnyja słužby Farerskich astravoŭ i Biełarusi.