Adnaŭleńnie pracy ofisa ABSIE ŭ Minsku pakul nie abmiarkoŭvajecca
Pytańnie ab adnaŭleńni pracy ŭ Minsku ofisa ABSIE nie abmiarkoŭvałasia ŭ chodzie vizitu ŭ Biełaruś staršyni ABSIE Ivicy Dačyča, paviedamiŭ pres-sakratar MZS Biełarusi Dźmitryj Mirončyk 23 lipienia na bryfinhu.
«Nakolki mnie viadoma, takoje pytańnie nie stavicca i nie abmiarkoŭvajecca», — skazaŭ jon.
Nahadajem, u kancy śniežnia 2010 hoda biełaruskimi ŭładami było pryniata rašeńnie ab zakryćci ofisa ABSIE. Jano było «abumoŭlena adsutnaściu abjektyŭnych padstaŭ dla zachavańnia misii ABSIE ŭ Biełarusi», zajaviŭ tahačasny pres-sakratar MZS Andrej Savinych.
Aficyjna ofis ABSIE ŭ Minsku spyniŭ pracu 31 sakavika 2011 hoda. Misija ABSIE pracavała ŭ Biełarusi z 1998 hoda.