Źviestki ab košcie pasyłak z Rasiei buduć pieradavać biełaruskim mytnikam
Rasiejskija servisy dastaŭki internet-pakupak užo infarmujuć svaich klijentaŭ pra novyja praviły, jakija ŭvojduć u dziejańnie z 1 žniŭnia.
Namier biełaruskich uładaŭ spahaniać padatak z pasyłak, što atrymlivajucca našymi hramadzianami z-za miažy, padobna, pačynaje realizoŭvacca.
Rasiejski servis dastaŭki internet-pakupak Shopfans-Express užo prainfarmavaŭ svaich klijentaŭ ź Biełarusi pra toje, što «z 1 žniŭni 2015 mytnaja słužba Rasiejskaj Fiederacyi zapuskaje infarmacyjny abmien z mytnaj słužbaj Respubliki Biełaruś u dačynieńni da pasyłak, jakija dastaŭlajucca biełaruskim atrymalnikam praz mytnyja pasty Rasiei». Pra heta sajtu charter97.org paviedamiŭ čytač, jaki karystajecca pasłuhami rasiejskaha servisu.
Kampanija papiaredžvaje, što «pa ŭsich pasyłkach mytnyja pasty Maskoŭskaha avijacyjnaha vuzła buduć paviedamlać svaim biełaruskim kaleham źviestki ab atrymalnikach i mytnym košcie tavaraŭ, što afarmlajucca na adrasy ŭ Respublicy Biełaruś».
Paźbiehnuć pieradačy dadzienych u mytnyja słužby Biełarusi zmohuć tyja hramadzianie našaj krainy, jakija zdolejuć davieści, što jany zakazvajuć pakupki praz rasiejski servis, tamu što pracujuć i pražyvajuć na terytoryi RF.
Dla hetaha da zakazanaj pasyłki treba prykłaści list adpaviednaha źmiestu. Shopfans-Express navat pryvodzić uzor takoha lista:
«Davodžu da Vašaha viedama, što ja, Ivanoŭ I.I., u suviazi z adsutnaściu pracy na terytoryi majoj krainy Biełaruś, siezonna pracuju i žyvu ŭ Rasiei, u suviazi z čym zakazvaju svaje tavary z zamiežnych internet-kram na rasiejski adras: h. Maskva, 123514, vulica Śniežnaja, dom 25, kv 214, dzie ja zdymaju kvateru (pražyvaju ŭ siastry, baćki, znajomaha i h.d.)».
List pavinna zapaŭniacca na kožnaha atrymalnika ŭ pasyłcy, na ahulnym błanku.