Tom Kruz daŭ zhodu zdymacca ŭ sikviele Top Gun, pry ŭmovie, što jamu daduć palatać na sapraŭdnym źniščalniku
Akcior Tom Kruz raspavioŭ, što hatovy zdymacca u sikviele filma Top Gun, ale pry ŭmovie, što na zdymkach buduć zadziejničanyja sapraŭdnyja bajavyja źniščalniki, pieradaje The Guardian.
«Heta dobraja ideja. Ja byŭ by zadavoleny znoŭ palatać na źniščalniku — ale tolki pry ŭmovie, što heta budzie sapraŭdny źniščalnik. Nijakich namalavanych na kampjutary samalotaŭ być nie pavinna. Kali ŭsio atrymajecca, i Ministerstva abarony ZŠA daść nam samaloty i dazvoł, budzie vydatna», — zajaviŭ Kruz.
Raniej ab pracy nad sikviełam Top Gun («Lepšy strałok») paviedamiŭ pradziusier Devid Elisan, pavodle jakoha stužka budzie źniataja ŭ farmatach 3D i IMAX. Siužet karciny, jak adznačaŭ pradziusar, budzie zasnavany na supraćstajańni prychilnikaŭ tradycyjnaj avijacyi i mody na drony-bieśpiłotniki.
Pavodle vydańnia, u Top Gun 2 moža źjavicca prync Hary, jakomu ŭ 2011 hodzie było prysvojena zvańnie kapitana avijacyi.
Pieršy Top Gun vyjšaŭ u 1986 hodzie. Kruz vykanaŭ rolu kursanta škoły VPS ZŠA pa mianušcy Mevieryk. Stužka była ŭznaharodžana «Oskaram» za lepšuju muzyku i ŭ cełym atrymała stanoŭčyja vodhuki krytykaŭ i hledačoŭ. Film zarabiŭ u suśvietnym prakacie bolš za 350 miljonaŭ dołaraŭ pry biudžecie 15 miljonaŭ.