Biełavija: Łaŭkostavyja kampanii nie zacikaŭlenyja palotami ź Minska
Pryčyna — niama dastatkova vialikaha pasažyrapatoku.
Hienieralny dyrektar avijakampanii Biełavija Anatol Husaraŭ zajaŭlaje, što łaŭkostavyja avijapieravozčyki nie zacikaŭlenyja palotami ź Minska. Jon spasłaŭsia na toje, što nizkabiudžetnyja avijalinii vykonvajuć paloty pa kirunkach ź vialikim pasažyrapatokam.
«Nivodnaja łaŭkostavaja avijakampanija nie zacikaŭlenaja palotami ź Minska. Heta patrebna latać minimum raz na dzień, ale štodnia. Pažadana navat dva razy. Musić być vialiki samalot, nie mienš za 150 miescaŭ.
Dzie my znojdziem takija kirunki ź Minska, jakija b dazvalali vykonvać takija paloty i zrabić pieravozku tańniejšaj?» — zajaviŭ kiraŭnik Biełavii ŭ intervju Biełteleradyjokampanii.
Tym nie mienš, łaŭkostavyja avijakampanii ažyćciaŭlajuć pieravozki z susiednich aeraportaŭ — ź Vilni, Kaŭnasa, Kijeva, Lvova, Lublina, Varšavy.
Pavodle źviestak Vilenskaha aeraporta, 10% usich pasažyraŭ łaŭkostavych avijakampanij, jakija ŭ 2014 hodzie latali praź Litvu, mieli biełaruskija pašparty.