Biełarusy na Banderštacie ŭ Łucku FOTAREPARTAŽ
3 31 lipienia pa 2 žniŭnia va ŭkrainskim Łucku dziaviaty raz prajšoŭ muzyčny fiestyval «Banderštat».
Mierapryjemstva pryśviečana pamiaci nacyjanalnaha hieroja Ukrainy, kiraŭnika Arhanizacyi ŭkrainskich nacyjanalistaŭ Ściapana Bandery dy ŭsich vajaroŭ Ukrainskaj Paŭstanckaj Armii.
Tradycyjna na fiestyval zaprošvajecca adzin hurt ź Biełarusi.
Raniej heta byli Tavaryš Maŭzer, Vinsent, Ściana, Akute, Terrakod i Zatočka. U hetym ža hodzie fiestyval zakryvaŭ Brutto.
Fest pravodzić moładzievaja arhanizacyja «Nacyjanalny aljans». Da ŭdziełu ŭ im zaprašajucca tolki vykanaŭcy, tvorčaść jakich maje «praŭkrainski źmiest». Ale dla biełaruskich hurtoŭ zroblena vyklučeńnie.
Akramia vialikaj muzyčnaj sceny, na fiestyvali adbyłasia načnaja akustyčnaja scena, litaraturnaja scena, sustrečy ź vieteranami Ukrainskaj Paŭstanckaj Armii i viadomymi hramadskimi i kulturnymi dziejačami, šerah lekcyjaŭ, načny kinasieans filmaŭ na paŭstancka-revalucyjnuju tematyku, etničny kirmaš.