U «DNR» źjaviŭsia svoj mabilny apieratar. Pry hetym tam hłušać zvanki z MTS
Na akupavanaj terytoryi Danieckaj vobłaści zapuskajuć mabilnuju suviaź, ź jakoj nielha telefanavać inšym apierataram.
Pra heta paviedamiŭ kiraŭnik milicyi Danieckaj vobłaści Viačasłaŭ Abrośkin ŭ svaim Facebook.
«U tak zvanaj «DNR» pačali raspaŭsiudžvać startavyja pakiety svajoj mabilnaj suviazi «Fieniks». «Respublikanski mabilny apieratar «Fieniks» byŭ stvorany bajavikami na bazie zachoplenaha abstalavańnia «Kijeŭstar», — paviedamiŭ jon.
Pavodle Abrośkina, žycharam akupavanych bajevikami «DNR» terytoryj prapanavali nabyć 5 tysiač kart, jakija možna budzie vykarystoŭvać u testavym režymie da 1 kastryčnika 2015 hoda.
«Na dumku miascovych žycharoŭ, heta robicca dla stvareńnia tatalnaha kantrolu za imi z boku «śpiecsłužbaŭ DNR», — dadaŭ Abrośkin. «Jak i ŭsio ŭ maładoj respublicy, funkcyi «Fieniksa» abmiežavanyja — niedastupnaja pasłuha SMS i zvanki na telefony inšych apierataraŭ. Taksama jość asablivaść — pry nabyćci nieabchodny pašpart i identyfikacyjny numar», — padkreśliŭ jon.
Jon taksama adznačyŭ, što na akupavanaj bajevikami terytoryi Danieckaj vobłaści paharšajecca jakaść suviazi MTS.
«Miascovyja žychary tłumačać heta tym, što terarysty pravodziać pastajanny manitorynh radyjoefiru, a taksama metanakiravana stvarajuć radyjopieraškody pieramiaščeńniami vajennych mašyn «DNR» z antenami i radyjołakacyjnymi ŭstanoŭkami», — napisaŭ Abrośkin.
«Meta padobnych dziejańniaŭ vidavočnaja — abmiežavać znosiny žycharoŭ akupavanaj častki sa źniešnim śvietam, stvaryć infarmacyjny vakuum, jaki zapaŭniajecca prapahandaj iłžeprarokaŭ fejkavaj respubliki i ich pasłuhačoŭ», — padkreśliŭ jon.
Paviedamlajecca pry hetym, što call-centry novaha apieratara zarehistravanyja na telefony inšych apierataraŭ.