Alaksandr Hleb viarnuŭsia ŭ BATE
Paŭabaronca nacyjanalnaj zbornaj Biełarusi Alaksandr Hleb viarnuŭsia ŭ barysaŭski BATE. Kantrakt z futbalistam byŭ zaklučany 7 žniŭnia, paviedamlaje pres-słužba BATE.
Fota fcbate.by
Heta treci prychod Hleba-starejšaha ŭ BATE. Raniej jon hulaŭ za barysaŭski kłub u 1999-2000 i 2012-2013 hadach. Akramia taho, Alaksandr Hleb vystupaŭ za niamiecki «Štuthart» (2000-05, 2009-10), anhlijski «Arsienał» (2005-08), ispanskuju «Barsiełonu» (2008-09), anhlijski «Birminhiem» (2010-11), niamiecki «Volfsburh» (2011), rasijskija «Kryły Savietaŭ» (2012), tureckija «Końjaspor» (2014) i «Hienčlerbirlihi» (2015).
Alaksandr Hleb šeść razoŭ pryznavaŭsia najlepšym hulcom Biełarusi (2002, 2003, 2005, 2006, 2007, 2008), u jaho skarboncy tytuły pieramožcy Lihi čempijonaŭ (2008/09), čempijona Ispanii (2008/09), čempijona Biełarusi (1999, 2012, 2013), uładalnika Kubka Ispanii (2008/09), uładalnika Kubka anhlijskaj lihi (2010/11), siarebranaha pryziora čempijanatu Hiermanii (2002/03), bronzavaha pryziora čempijanatu Anhlii (2007/08).
Alaksandr Hleb — pieršy biełaruski futbalist, jaki zhulaŭ u finale Lihi čempijonaŭ — u 2006 hodzie ŭ składzie «Arsienała» i pieršy ź biełarusaŭ, kamu ŭdałosia stać pieramožcam Lihi čempijonaŭ — u 2009 hodzie ŭ składzie «Barsiełony».
Za nacyjanalnuju zbornuju Biełarusi Alaksandr Hleb pravioŭ 68 matčaŭ, u jakich zabiŭ 6 miačoŭ i addaŭ 13 halavych pieradač.