Pad Viciebskam žančyna na lehkaviku prataraniła furu i zahinuła
7 žniŭnia kala 19:00 kala vioski Varony Viciebskaha rajona adbyłosia darožna-transpartnaje zdareńnie z udziełam lehkavoha i hruzavoha aŭtamabilaŭ.
U vyniku DTZ kiroŭca lehkavika zahinuła, i jaje cieła pryjšłosia vyciahvać z defarmavanaha sałona ratavalnikam, paviedamlaje pres-słužba MNS.
U sacyjalnych sietkach vidavočcy pišuć, što za rulom lehkavoha «Renault» znachodziłasia 47-hadovaja žančyna, jakaja nie prapuściła furu, vyjazdžajučy z druharadnaj darohi.
MNS papiaredžvaje, što, u suviazi anamalna haračym nadvorjem, varta pa mahčymaści abmiežavać praciahłyja pajezdki na aŭtamabili, a kali takoj mahčymaści niama, być maksimalna ŭvažlivymi na darozie, bo praz vysokuju tempieraturu moža pahoršycca samaadčuvańnie, adbycca raśsiejvańnie ŭvahi i źnižeńnie reakcyi.