U Smalavickim rajonie hareli les i pasievy
Śpiecyjalisty vyjaŭlajuć pryčyny pažaru ŭ Smalavickim rajonie.
Jak paviedamlaje Minskaje abłasnoje ŭpraŭleńnie Ministerstva pa nadzvyčajnych situacyjach, 7 žniŭnia ŭ 17.25 pastupiła infarmacyja ab zaharańni trycikale ŭ poli UP «Aziarycki-Ahra» kala vioski Aziaryckaja Słabada. U vyniku pažaru źniščanyja 7 ha pasievaŭ, paškodžany les na płoščy 2 ha.
Rabotnikami MNS i haspadarki vyratavanyja 113 ha pasievaŭ. Dvuma viertalotami Mi-8 MNS (ahulny nalot skłaŭ 2 hadziny 50 chvilin) ažyćcioŭlenyja 26 skidaŭ vady. Paciarpiełych niama.