Biełarus zaniaŭ druhoje miesca ŭ viełahoncy Tour de Pologne
Pieramožcam viełaprabiehu staŭ hišpaniec Chon Isahire.
Hišpaniec z kamandy Movistar pieramoh u viełahoncy Tour de Pologne, jakaja ŭ subotu zaviaršyłasia ŭ Krakavie. Druhim staŭ biełarus Vasil Kiryjenka (Sky, + 2 sekundy), zamknuŭ trojku halandziec Ryk Fłens (LottoNL-Jumbo, 59 sekund).
Vasil Kiryjenka – zasłužany majstar sportu Biełarusi. Naradziŭsia ŭ Rečycy. Jamu 34 hady. Vystupaje za brytanskuju kamandu Sky Procycling.
Apošni etap konkursu, prabieh na indyvidualny čas, sensacyjna pieramoh palak Marcin Białabocki.
Hišpaniec Isahire pa vynikach siami etapaŭ pakazaŭ čas 26 hadzin 4 chviliny 38 sekund, druhoje miesca zaniaŭ belhijec Bart De Klerk (Lotto-Soudal, + 2 sekundy), jašče adzin pradstaŭnik Belhii Ben Chermans (BMC) zamknuŭ trojku (+3 sekundy).
Tour de Pologne – heta najbujniejšaja j samaja prestyžnaja spartyŭnaja impreza ŭ Polščy. Sioleta viełahonka adbyłasia ŭžo 72-hi raz. U spabornictvie pryniali ŭdzieł 152 ravarysty z 17 kamandaŭ World Tour.