Dzie možna kupacca ŭ Minsku? MAPA
Kupacca ŭ Minsku možna daloka nie paŭsiul, nahadvaje sanitarna-epidemijałahičnaja słužba stalicy.
Da zon adpačynku la vodnych abjektaŭ adnosiacca tolki tyja vadajomy i prylehłyja terytoryi, što zaćvierdžanyja dla vykarystańnia ŭ rekreacyjnych metach va ŭstanoŭlenym zakanadaŭstvam Respubliki Biełaruś paradku i aficyjna vyznačanyja jak «plažy», nahadvaje sanepidemsłužba. U metach vyklučeńnia ryzyki ŭźniknieńnia infiekcyjnych zachvorvańniaŭ, paražeńniaŭ skury i ślizistych, traŭmaŭ i inšych niepryjemnych momantaŭ, niedapuščalnaje kupańnie ŭ vadajomach, nie pryznačanych dla hetych metaŭ.
Kupacca nielha ŭ Śvisłačy, Čyžoŭskim i Łošyckim vadaschoviščach dy kanałach Ślapianskaj vodnaj sistemy. Zatoje možna ŭ Zasłaŭskim vadaschoviščy («Minskim mory»), u Drazdach i Krynicy, Kamsamolskim voziery, Cnianskim vadaschoviščy, Viačy i Pcičy, dzie zładžanyja ahułam 26 plažaŭ.
Na siońniašni dzień sanepidemsłužba nie bačyć padstaŭ dla abmiežavańnia kupańnia ŭ apošnich. Štotydzień słužba aceńvaje sanitarny stan i dobraŭparadkavanaść zon adpačynku, raz na dva tydni praviaraje vadu pa pakaźnikach biaśpieki.
Na Cniancy ŭviečary
Kab adpačyvać na plažy biaśpiečna, važna:
- nie znachodzicca la vady ŭ stanie ałkaholnaha apjanieńnia;
- nie dapuskać trapleńnia vady ŭ stravavalny trakt;
- vypivać nie mienš za 1,5-2 litry vadkaści na dzień, addavać pieravahu pitnoj vadzie, niesałodkim naturalnym sokam i zialonaj harbacie;
- nasić hałaŭny ŭbor na adkrytym soncy, nasić śvietłaje adzieńnie z naturalnaj tkaniny;
- namahacca być u cieniu, asabliva z 12-j da 3-j hadziny dnia;
- abmiažoŭvać čas zaharu i vykarystoŭvać soncaachoŭnyja kremy (dla dziaciej z faktaram abarony nie mienš za 40).
Nahadajem, vy možacie ŭratavać šmat žyćciaŭ, pračytaŭšy nievialiki tekst: Ludzi tonuć nie tak, jak vy dumajecie.