Ukraina zabaraniła ŭvoz 38 vydadzienych u Rasii knih
Mytnaja słužba Ukrainy apublikavała śpis z 38 vydadzienych u Rasii knih, zabaronienych da ŭvozu va Ukrainu. Siarod zabaronienych vydańniaŭ — knihi viadomaha svajoj padtrymkaj prajekta «Novorośsii» ultrapravaha fiłosafa Alaksandra Duhina, tele- i radyjoviadučaha Siarhieja Darenki, piśmieńnika Eduarda Limonava, daradcy prezidenta Pucina ekanamista Siarhieja Hłaźjeva.
Jak adznačajuć va ŭkrainskim viedamstvie, zabarona ŭviedziena «z metaj praduchileńnia prymianieńnia da hramadzian Ukrainy mietadaŭ infarmacyjnaj vajny i dezinfarmacyi, raspaŭsiudžvańnia ideałohii čałaviekanienaviśnictva, fašyzmu, ksienafobii i sieparatyzmu, prypynku zamachaŭ na terytaryjalnuju cełasnaść i peŭny kanstytucyjaj Ukrainy dziaržaŭny ład».
Poŭny pieralik zabaronienych knih na sajcie kiravańnia mytnaj słužby pa Kiravahradskaj vobłaści Ukrainy.