Biełaruski baksior Pavieł Kastramin staŭ srebnym pryzioram ČIE-2015 u vazie da 69 kh FOTA
Uradženiec Žabinki (Bresckaja vobł.) Pavieł Kastramin (vahavaja katehoryja da 69 kh) 15 žniŭnia zavajavaŭ siarebranuju ŭznaharodu ŭ zaklučnaj siesii spabornictvaŭ na čempijanacie Jeŭropy-2015 pa boksie ŭ bałharskim Samakavie (nacisk na pieršaje «a»).
U finalnym bai Pavieł Kastramin sustrakaŭsia ź litoŭskim baksioram Ejmantasam Stanijonisam. Pa vynikach pieršych dvuch raŭndaŭ litoviec byŭ napieradzie, choć biełarus jamu ni ŭ čym nie sastupaŭ. Sudździ abodva razy addavali pieravahu Stanijonisu, vierahodna, z pryčyny miedycynskich tajm-aŭtaŭ, padčas jakich Kastraminu akazvali dapamohu: u pieramožnaj paŭfinalnaj dla Paŭła sustrečy švied Kłariens Hojeram raśsiek biełarusu bryvo.
U trecim raŭndzie kryvaciok ŭzmacniŭsia, i sudździ kančatkova spynili pajadynak i addali pieramohu Stanijonisu.
Pavieł Kastramin vystupić u kastryčniku na čempijanacie śvietu-2015 ŭ katarskaj Dosie, dzie buduć razyhranyja licenzii na letniuju Alimpijadu-2016.