Finalista «Zaśpiavaj 2.0» vegetables padtrymaje novy prajekt Tani Haroški Take the Cookies
Finalista «Zaśpiavaj 2.0» vegetables padtrymaje novy prajekt Tani Haroški Take the Cookies
22 žniŭnia ŭ dvoryku na płoščy Svabody, 4 vystupić indzi-elektronny hurt vegetables pry padtrymcy Take the Cookies — tancavalnaha prajektu Tani Haroški z Tanin Jazz.
Vegetables udzielničali ŭ naminacyi «Paezija» konkursu «Zaśpiavaj 2.0» ź pieśniaj «Recha», jakuju napisała vakalistka hurtu — 19-hadovaja Śvieta Varapaj. Niahledziačy na małady viek, muzyki ŭžo majuć try albomy i naminacyju «Indzi-pop/elektronika» na ŭznaharodach Experty.by pa vynikach 2014 hodu, a ciapier pretendujuć na pieramohu ŭ «Zaśpiavaj 2.0».
Hościem hetaha viečaru stanie hurt Take the Cookies. Heta novy prajekt Taćciany Haroški z Tanin Jazz. Take the Cookies — prajekt tancavalny, svoj styl vyznačaje jak «niu-dyska». Užo zapisana niekalki kampazycyjaŭ, jakija razyšlisia pa radyjostancyjach Italii, Ispanii, Niderłandaŭ i ZŠA. Hurt niadaŭna vystupiŭ na Mirum Festival la Mirskaha zamka, a ciapier źbirajecca zładzić tancavalnuju viečarynu ŭ dvoryku na płoščy Svabody.
Pa vyniku letnich kancertaŭ maładych vykanaŭcaŭ buduć vyznačanyja pieramožcy konkursu «Zaśpiavaj 2.0», jaki pravodzić partał Tuzin.fm i fond «Viartańnie» pry padtrymcy kampanii «Budźma biełarusami!». Pryzavy fond konkursu składaje 1000 jeŭra.
***
22.08 (subota). 20:00. Terasa kaviarni Chill-Out (płošča Svabody, 4). Vegetables i Take the Cookies (prajekt Tanin Jazz). Kvitki — u kasach Kvitki.by i anłajn. Košt: 80 000 — 120 000.