Smalenščyna prahałasavała suprać Miadźviedzieva
U rehijonie na miažy ź Biełaruśsiu kandydat Kramla atrymaŭ najmienšy pracent hałasoŭ.
U vobłaści na miažy ź Biełaruśsiu kandydat Kramla atrymaŭ najmienšy pracent hałasoŭ siarod usich rehijonaŭ — 59,62 %. «Adzinaja Rasieja» na vybarach u Dumu ŭ hetym rehijonie nabrała ŭsiaho na 2 % bolš. Dla aŭtarytarnaj Rasiei taki nizki pracent faktyčna roŭny hałasavańniu suprać.
U siarednim u krainie Miadźviedzieŭ aficyjna sabraŭ až 70,23 %. Miadźviedzieŭ taksama sabraŭ mienš za siaredniaje ŭ Karelii, Karalaŭcy (Kalininhradzie) i Murmansku. Ale nie ŭ Pieciarburzie, adkul jon rodam (72,27 %), i nie ŭ zamožnaj Maskvie (71,65 %). Imavierna, u rehijonach, što miažujuć z centralnaeŭrapiejskimi krainami, vybarcy mienš paddatnyja na prapahandu «pośpiechaŭ pucinskaj Rasii» — vielmi adnosnych i ci tryvałych.