U Słavakii sutyknulisia dva nievialikija samaloty: siem čałaviek zahinuli
Dva nievialikija samaloty sutyknulisia na zachadzie Słavakii. Pa dadzienych miascovych ŚMI, u vyniku zahinuli siem čałaviek, adnak nie vyklučajecca, što kolkaść achviar moža pavialičycca.
Jak miarkujecca, havorka idzie pra spartyŭnyja samaloty. Taksama pakul niama infarmacyi ab tym, kolki čałaviek znachodzilisia na borcie — pa papiaredniaj infarmacyi, ich było kala 40.
Vidavočcy paviedamlajuć, što niekatorym udałosia vyskačyć z parašutami. Jany taksama bačyli, jak desantniki-parašutysty, što znachodzilisia na borcie, vykonvali trenirovačnyja skački.
Samaloty ŭpali ŭ ciažkadastupnaj miascovaści, što ŭskładniaje pracu ratavalnikam.