Artabstreł na miažy KNDR i Paŭdniovaj Karei: Sieuł abviaściŭ evakuacyju FOTA
Paŭnočnakarejskija vajennyja ŭ čaćvier pasprabavali źniščyć rakietaj hučnamoŭnik, praź jaki Paŭdniovaja Kareja sa svajoj terytoryi tranśluje susiedziam krytyčnuju infarmacyju ŭ adras ich režymu.
U adkaz paŭdniovakarejskija vajskoŭcy adkryli ŭ napramku KNDR ahoń z 155-milimietrovych harmat.
Paśla ŭzajemnych artabstrełaŭ ułady Paŭdniovaj Karei abviaścili evakuacyju žycharoŭ rajonaŭ kala zachodniaj miažy.
Rašeńnie ŭstalavać na demarkacyjnaj linii hučnamoŭnik było pryniata Sieułam paśla taho, jak dvoje paŭdniovakarejskich vajskoŭcaŭ padarvalisia na supraćpiachotnych minach, nibyta zakładzienych u niejtralnaj zonie vajskoŭcami KNDR.