Vialikabrytanija znoŭ adkryła svajo pasolstva ŭ Iranie
Vialikabrytanija znoŭ adkryła svajo pasolstva ŭ stalicy Irana. Jano było začyniena ŭ 2011 hodzie, paśla taho jak pratestoŭcy suprać brytanskich ekanamičnych sankcyj ŭvarvalisia ŭ budynak, a taksama ŭ inšaje brytanskaje dypłamatyčnaje pradstaŭnictva ŭ Tehieranie i ŭčynili pahrom u ofisach.
U niadzielu ministr zamiežnych spraŭ Vialikabrytanii Filip Chemand prybyŭ u stalicu Irana, kab asabista pryniać udzieł u adkryćci dypłamatyčnaj misii. Heta stała pieršym vizitam kiraŭnika dypłamatyčnaha viedamstva Vialikabrytanii ŭ Iran z 2003 hoda.
Chemand padniaŭ nad budynkam pasolstva brytanski ściah.
Brytanija razarvała dypadnosiny ź Iranam u 2011 hodzie. Tady demanstranty ŭ Tehieranie ździejśnili napady na niekalki budynkaŭ brytanskaha pasolstva ŭ roznych častkach horada, ŭčynili pahrom u ofisach i vykrali dakumienty.
Vajaŭničyja pratestoŭcy, vykrykvajučy «Śmierć Anhlii», sarvali z budynka brytanski ściah, spalili jaho i ŭźniali na jaho miesca ściah Irana.
Paśla hetaha Łondan zakryŭ pradstaŭnictva ŭ Tehieranie i pasolstva Irana ŭ Łondanie, vysłaŭ z krainy iranskich dypłamataŭ.
Ministr zamiežnych spraŭ Vialikabrytanii napisaŭ u svaim tvitary, što ŭzajemnaje adkryćcio pasolstvaŭ — «klučavy krok u palapšeńni dvuchbakovych adnosinaŭ».
U apošnija miesiacy adnosiny Irana i Zachadu, jaki vymušany šukać sajuźnikaŭ u baraćbie ź imklivym prasoŭvańniem bajevikoŭ-sunitaŭ u Iraku, trochi palepšylisia. Pryčynaj hetaha staŭ prychod da ŭłady ŭ Iranie novaha lidara, a taksama dasiahnieńnie mižnarodnaha pahadnieńnia pa jadziernaj prahramie Irana.