«Viazany bulvar» źjavicca ŭ Minsku da Dnia horada
Jak paviedamili ŭ Centry sučasnych mastactvaŭ, jaki rychtuje jarkuju akcyju da śviata horada razam z tvorčym kłubam Zabombi.by, 13 vieraśnia minčanam i haściam stalicy abaviazkova treba zazirnuć u skvier na bulvary Mulavina.
wikimedia.org
Majstry ŭpryhožać viazanymi pałotnami bolš za dziesiać abjektaŭ, a hałoŭnym art-abjektam stanie klon u centry skviera, jaki pa pravu možna budzie nazvać cuda-drevam.
Arhanizatary akcyi prapanujuć usim, chto ŭmieje viazać i choča stać čałaviekam, jakija mianiaje Minsk da lepšaha, dałučycca da akcyi. Vałancioram nieabchodna viazać kvadraty pamierami 11ch13 sm u luboj technicy, lubymi nitkami. Heta buduć «cahlinki» dla asnoŭnaha dreva. Patrebny taksama viazanyja pradmiety pamieram z dałoń: škarpetki, rukavički, kvietki, cacki i lubyja inšyja vyraby. Uzory možna pieradać arhanizataram akcyi da 8 vieraśnia.
Tych, chto hatovy na bolšaje i budzie rady ŭpryhožyć ułasnymi rukami jaki-niebudź z haradskich abjektaŭ, arhanizatary prajekta achvotna pryciahnuć da stvareńnia vialikich pałotnaŭ. Žadajučym treba źviazacca z kaardynatarami akcyi ad tvorčaha kłuba Zabombi.by.
Jarnbombinh (viazanaje hrafici) — vid vuličnaha mastactva, jakoje zaklučajecca ŭ abviazvańni elemientaŭ haradskoha asiarodździa, kab upryhožyć abjekt abo pryciahnuć da jaho ŭvahu. Hety vid mastactva źjaviŭsia ŭ ZŠA ŭ 2005 hodzie, paźniej atrymaŭ raspaŭsiudžvańnie i ŭ Jeŭropie.