Suśvietny bank vyrašyŭ vydzielić Ukrainie 500 młn dalaraŭ
Suśvietny bank uchvaliŭ vydzialeńnie Ukrainie druhoha tranšu finansavaj dapamohi pamieram 500 młn dalaraŭ.
Jak havorycca ŭ paviedamleńni Suśvietnaha banka, takoje rašeńnie pryniała rada dyrektaraŭ banka na pasiadžeńni 25 žniŭnia.
Pazyki ŭ padtrymku palityki raźvićcia — heta pramaja biudžetnaja padtrymka, jakaja akazvajecca niepasredna ŭradu Ukrainy dla realizacyi jaho prahramy reformaŭ, adznačyli ŭ Suśvietnym banku.
Reformy, na padtrymku jakich vydzielać srodki, zaklikany palepšyć kiravańnie ŭ dziaržaŭnym siektary, umovy dla viadzieńnia biźniesu, a taksama situacyju ŭ śfiery enierhietyki i sacyjalnaj dapamohi.
Pradstaŭniki Suśvietnaha banka adznačyli, što apošni tranš źjaŭlajecca častkaj šyrokaha pakieta finansavaj padtrymki, abvieščanaha ŭ lutym hetaha hoda i jaki praduhledžvaje vydzialeńnie Ukrainie srodkaŭ pamieram da 2 miljardaŭ dalaraŭ da kanca hetaha hoda.