Łukašenka: My nie budziem štučna strymlivać kurs nacyjanalnaj valuty
president.gov.by
U Biełarusi nie budzie štučna strymlivacca kurs nacyjanalnaj valuty. Pra heta zajaviŭ siońnia Alaksandr Łukašenka ŭ čas naviedvańnia i hutarki z pracoŭnym kalektyvam AAT «Baranavickaje vytvorčaje bavaŭnianaje abjadnańnie».
«My nie budziem štučna strymlivać kurs nacyjanalnaj valuty ŭ adnosinach da inšych valut. I my hetaha nie robim. Kali my pačniem jaho strymlivać i niejak sprabavać hetym strymać inflacyju, dapamahčy čamuści (nie tyja časy), my znoŭ pryjdziem da taho, što razava pryjdziecca na 30% devalvavać valutu», — skazaŭ kiraŭnik dziaržavy.
Jon padkreśliŭ, što pa hetaj pryčynie ŭ krainie prytrymlivajucca płaviučaha kursu.
«Toje, što zrabili zaraz Kazachstan i Rasija, my heta zrabili raniej, kab nie spalić zołatavalutnyja reziervy. Bałazie, troški zołata daražeje, u nas jaho, napeŭna, ton pad 30, — adznačyŭ jon. — Tamu my prytrymlivajemsia płavajučaha kursu, kab prajści hetyja ciažkija časy».
Razam z tym Alaksandr Łukašenka źviarnuŭ uvahu, što ŭ ciapierašniaj situacyi nielha strymlivać ceny.
«My pazirali na ceny, — skazaŭ kiraŭnik dziaržavy. - Kali pačniem trymać, syduć tavary z rynku». «Tak. Jość niejkaja vałacilnaść, ruch, — adznačyŭ jon. — Ja vam klanusia, što my ničoha nie robim, kab strymlivać ci ž uzmacniać ci asłablać nacyjanalnuju valutu. Budzie bolš valuty — budzie nižejšy kurs, budzie vysoki popyt, valuty nie budzie — vy viedajecie, što budzie».
Alaksandr Łukašenka padkreśliŭ, što mienavita pa hetaj pryčynie jon patrabuje naroščvać ekspart dla prytoku ŭ krainu valuty.