Dziasiatki tysiač čałaviek patrabujuć adstaŭki ŭrada ŭ Kišyniovie
abnoŭlena
Na płoščy Vialikaha nacyjanalnaha schodu ŭ centry stalicy Małdovy prachodzić mitynh, arhanizavany płatformaj «Hodnaść i praŭda».
Udzielniki akcyi pratestu zaklikajuć urad Małdovy pajści ŭ adstaŭku, bo jon, na ich dumku, niasie adkaznaść za karupcyju ŭ krainie. Płatformu ŭtvaryli prajeŭrapiejskija hramadzianskija inicyjatyvy.
Mnohija trymajuć u rukach ściahi Rumynii, Małdovy i Jeŭrasajuza.
Mitynhoŭcy patrabujuć pryciahnieńnia da adkaznaści vinavatych u kradziažy hrošaj z bankaŭskaj sistemy.
Na siońniašnim bryfinhu, arhanizavanym u suviazi z akcyjaj pratestu, ministr unutranych spraŭ Aleh Bałan zajaviŭ, što budzie zroblena ŭsio dla taho, kab žychary stalicy i ŭdzielniki mierapryjemstva ŭ centry horada adčuvali siabie ŭ biaśpiecy. Taksama jon źviarnuŭsia da ŭdzielnikaŭ mitynhu, paviedamlać palicyi ab ludziach u maskach abo z padazronymi zaplečnikami.
Mitynh prachodzić spakojna, tolki kala budynku hienieralnaj prakuratury adbylisia sutyčki, arhanizavanyja anarchistami.
Taksama ŭdzielniki akcyi pastavili niekalki pałatak, u jakich źbirajucca načavać.
kp.md
kp.md