Fłavija Pienieta vyjhrała US Open
Italjanski finał na US Open. 26-ja rakietka śvietu Fłavija Pienieta vyjhrała ŭ svajoj suajčyńnicy Rabierty Vinčy 7:6, 6:2 i stała pieramožcam žanočaha turniru Adkrytaha čempijanatu ZŠA pa tenisie.
usopen.org
Pienieta padčas cyrymonii ŭznaharodžańnia abviaściła, što pryniała rašeńnie zaviaršyć prafiesijnuju karjeru. 33-hadovaja tenisistka raskazała, što rašeńnie było pryniata 11 miesiacaŭ tamu, i ciapier nastupiŭ idealny momant dla zaviaršeńnia karjery.
Tenisistka paviedamiła, što dajhraje siezon-2015 da kanca, a potym sydzie z tenisa.
Azaranka, nahadajem, dajšła da 1/4 finału, dzie prajhrała Simonie Chalep, a taja, u svaju čarhu, u paŭfinale Pieniecie.
U finale mužčynskaha turniru zhulajuć siońnia Novak Džokavič i Rodžer Fiederer. Pačatak nie raniej za 23:00.