Mierkiel: Biez Rasii kanflikt u Siryi vyrašyć niemahčyma
Kancler FRH Anhieła Mierkiel ličyć, što znajści vyrašeńnie kanfliktu ŭ Siryi niemahčyma biez udziełu Rasii. Pra heta jana zajaviła ŭ subotu ŭ Bierlinie.
Pavodle jaje słoŭ, u hetym pytańni, a taksama ŭ baraćbie ź isłamistami z hrupoŭki «Isłamskaja dziaržava» Hiermanii nieabchodna supracoŭnictva jak z ZŠA, tak i z Rasijaj. U advarotnym vypadku rašeńnie prablemy znajści nielha, padkreśliła jana.
Siryjskaje pytańnie taksama abmiarkoŭvaŭ ŭ subotu ŭ Bierlinie kiraŭnik MZS FRH Frank-Valter sa svaim rasijskim kaleham Siarhiejem Łaŭrovym. Jak paviedamlaje Reuters sa spasyłkaj na krynicy ŭ dypłamatyčnych kołach, abodva ministry vystupili ŭ padtrymku śpiecpradstaŭnika AAN pa Siryi Stafana de Mistura i jaho płana pa stvareńni kantaktnaj hrupy.