Nazarbajeŭ pra biełaruskaje małako: «Łukašenka šparyć tudy parašok, hety parašok razvodzicca i pradajecca»
Na Forumie pryhraničnaha supracoŭnictva Rasii i Kazachstana Nursułtan Nazarbajeŭ uźniaŭ pytańnie pra nieabchodnaść raspracoŭki standartaŭ dla celnaha i raźviedzienaha małaka, pieradaje karespandent Tengrinews.kz z Sočy.
«Pryjšoŭ čas raspracavać novyja standarty i patrabavańni techničnych rehłamientaŭ i vyrazna prapisać skład praduktaŭ, jakaść syraviny. Tak, elemientarna niama vyraznaj miažy pamiž naturalnym i uznoŭlenym małakom.
My z našym siabram Alaksandram Ryhoravičam (Łukašenkam) spračajemsia. Jon šparyć tudy parašok hety, parašok razvodzicca i pradajecca. Heta zusim nie celnaje małako, heta małočny napoj, jon na Zachadzie takim i ličycca, a pradajecca pa takich ža cenach, pa jakich pradajecca naša małako. Jon by zaraz mocna sa mnoj spračaŭsia, viadoma. Ale na samaj spravie heta tak.
Nam treba ŭ hetym razabracca. Našy tavaravytvorcy kažuć: «Jak ža tak?». U nas niama miažy, my sami ŭ hetym vinavatyja. Pavinna być spraviadlivaja kankurencyja pamiž vytvorcami naturalnaha i ŭznoŭlenaha małaka», — skazaŭ Nazarbajeŭ.