Na barysaŭskim palihonie jenčać paranienyja j kryčać panikiory
Vajennyja vučeńni z elementami psychalahičnaj padrychtoŭki sałdat prachodziać hetymi dniami na ahulnavajskavym palihonie ŭ vakolicach Barysava.
Vajennyja vučeńni z elementami psychalahičnaj padrychtoŭki sałdat prachodziać hetymi dniami na ahulnavajskavym palihonie ŭ vakolicach Barysava.
Na taktyčnym poli madelujucca psychalahičnyja čyńniki sučasnaha boju z šyrokim vykarystańniem raznastajnych piratechničnych srodkaŭ. Nastupleńnie padraździaleńniaŭ supravadžajecca fanahramaj z šumavym efektam — razryvami snaradaŭ i minaŭ, krykami paranienych, kantužanych i panikioraŭ.
Jak piša hazeta «Vo słavu Rodiny», kamandziry staralisia navučyć svaich vychavancaŭ nia tolki paśpiachova vykonvać vučebna‑bajavyja zadačy na poli boju, ale j za adnym razam avałodvać najpraściejšymi metadami j pryjomami emacyjna‑valavoj samarehulacyi va ŭmovach pavyšanaj psychalahičnaj nahruzki. Arhanizatary vučeńniaŭ miarkujuć, što prymianieńnie stresavych čyńnikaŭ aktyŭna spryjaje farmavańniu ŭ vučniaŭ psychalahičnaj ustojlivaści, rašučaści, stojkaści j samavałodańnia, ich hatovaści da vykanańnia zadača pa pryznačeńni ŭ ekstremalnych umovach.