ABSIE vyjaviła rasijskuju ciažkuju ahniamiotnuju sistemu TAS-1 pablizu Łuhanska
Śpiecyjalnaja manitorynhavaja misija ABSIE va Ukrainie zajaviła pra vyjaŭleńnie ciažkaj ahniamiotnaj sistemy TAS-1 na vajennym palihonie ŭ siale Kruhlik, pablizu Łuhanska, paviedamlaje military-informant.com.
U spravazdačy SMM ABSIE havorycca pra vyjaŭleńnie ciažkaj termabaryčnaj sistemy załpavaha ahniu kalibra 220mm typu TAS-1. Prynaležnaść sistemy załpavaha ahniu nie ŭkazvajecca, i adznačajecca, što kompleks TAS-1 znachodziŭsia na vajennym palihonie, padkantrolnym siłam apałčeńnia niepryznanaj «Łuhanskaj Narodnaj respubliki».
TAS-1 «Buracina» ŭjaŭlaje saboj ŭstanoŭku ź niekiravalnymi rakietnymi snaradami na bazie šasi tanka T-72. Sistema załpavaha ahniu TAS-1 «Buracina» pryznačałasia dla vyvadu sa stroju aŭtamabilnaj i lohkabraniavanaj techniki, razbureńnia budynkaŭ i zbudavańniaŭ, źniščeńnia žyvoj siły praciŭnika.
Paražeńnie supiernika dasiahajecca šlacham kompleksnaha ŭździejańnia askołkami, vysokimi tempieraturami i padvyšanym ciskam.
U ciapierašni čas reaktyŭnaja šmatstvolnaja ahniamiotnaja ŭstanoŭka załpavaha ahniu TAS-1 «Buracina» znachodzicca na ŭzbrajeńni rasijskaj armii, Azierbajdžana, Iraka i Kazachstana. Na ŭzbrajeńni ukrainskaj armii padobnych kompleksaŭ nikoli nie było.