Dzień Maci Božaj Łahišynskaj - 10 traŭnia
Štohod 10 traŭnia ŭ miastečku Łahišynie, što na Pinščynie, u sanktuaryi adbyvajecca ŭračystaść ušanavańnia tutejšaha cudadziejnaha abraza Maci Božaj Łahišynskaj – Karalevy Paleśsia.
Štohod 10 traŭnia ŭ miastečku Łahišynie, što na Pinščynie, u sanktuaryi adbyvajecca ŭračystaść ušanavańnia tutejšaha cudadziejnaha abraza Maci Božaj Łahišynskaj – Karalevy Paleśsia. Mienavita ŭ hety dzień 10 traŭnia 1997 h. tut adbyłasia karanacyja hetaha śviatoha abraza, što znachodzicca ŭ hałoŭnym ałtary Pietrapaŭłaŭskaha kaściołu, papskimi karonami. Maci Božaja Łahišynskaja – Karaleva Paleśsia, ukaranavanaja papskimi karonami, aśviečanymi Papam Janam Paŭłam II, niachaj svajoju zastupnickaju malitvaju ŭspamahaje svaich dziaciej – pilihrymaŭ na hetaj ziamli.
Malitva da Maci Božaj Łahišynskaj, Karalevy Paleśsia
Maci Božaja Łahišynskaja, Karaleva Paleśsia, hlań na nas łaskava i vysłuchaj našuju pakornuju malitvu.
Najlepšaja naša Maci, dziakujem Tabie za toje, što Ty dapamahaješ nam, što vyciraješ našyja ślozy, što zaŭsiody znachodzišsia pobač z nami.
Daručajem Tvajoj Matčynaj apiecy Śviatoha Ajca, duchavienstva i vierny lud Božy. Abiacajem być viernymi Tvajmu Synu, Hospadu našamu Isusu Chrystu, jaki žyvie i vaładaryć na vieki viečnyja. Amen.