Kadyraŭ: Škada, što ŭ Siryju nie nakiravali piachotu
Kiraŭnik Čačni Ramzan Kadyraŭ narakaje na toje, što ŭdzieł Rasijskaj rehularnaj armii ŭ vajennych dziejańniach u Siryi abmiežavany ŭžyvańniem avijacyi.
Pra toje, što naziemnyja vojski RF u Siryi prymianiacca nie buduć, zajaviŭ u sieradu kiraŭnik administracyi prezidenta Siarhiej Ivanoŭ.
«Kryŭdna toje, što heta tolki vajenna-pavietranyja siły, što tam nie vykarystoŭvajecca piachota. I ŭ nas, čačencaŭ, na žal, pakul niama mahčymaści ŭdzielničać u baraćbie suprać hetych šajtanaŭ», — skazaŭ Kadyraŭ na pres-kanfierencyi ŭ sieradu.
Kadyraŭ dadaŭ, što padkantrolnyja jamu siły hatovyja ŭdzielničać i ŭ suchaputnych apieracyjach u Siryi, kali budzie pryniata takoje rašeńnie. «My hatovyja vyjechać, u nas jość dobraachvotniki — dziasiatki tysiač ludziej», — zajaviŭ kiraŭnik Čačni.