Były prezident Hienasamblei AAN aryštavany za chabar
Były prezident Hienieralnaj Asamblei AAN Džon Eš byŭ aryštavany ŭ aŭtorak pa abvinavačańni ŭ atrymańni bolej jak miljonu dalaraŭ u jakaści chabaru ad kitajskaha mahnata i inšych biznesmienaŭ. Uzamien na hetyja ŭznaharodžańni Eš abiacaŭ im dapamohu ŭ atrymańni vyhadnych inviestycyj i dziaržaŭnych kantraktaŭ, pieradaje VVS.
Eš vykarystoŭvaŭ svaje pasady ŭ AAN, kab pryniać dakumient u padtrymku prajekta ŭ Makaa, jaki raspracoŭvaŭ kitajski miljarder Nh Łap Sen, ličyć śledstva.
Pa hetaj karupcyjnaj spravie aryštavana šeść čałaviek, jakija, miarkujecca, ciaham troch hod udzielničali ŭ maštabnaj złačynnaj schiemie.
Na atrymanyja hrošy Eš apłačvaŭ pajezdku ŭ Novy Arlean dla svajoj siamji, a taksama pabudavaŭ baskietbolnaje pole ŭ svaim domie ŭ Ńju-Jorku.