34 chviliny ciahnuŭsia siužet pa BT pra adkryćcio MKAD-2
Siužety pra adkryćcio ŭčastka druhoj kalcavoj darohi zaniali asnoŭny efirny čas u vynikovych navinach na biełaruskich telekanałach. Tak, na kanale ANT siužet pra adkryćcio MKAD-2 išoŭ 20 chvilin, pry hetym sama pieradača zajmaje 30 chvilin (66,6%). U siužecie pakazvali novuju darohu i doŭhi vystup Alaksandra Łukašenki pierad budaŭnikami. Paśla hetaha vyjšaŭ materyjał pra daterminovaje hałasavańnie.
Telekanał BT pajšoŭ jašče dalej! Siužet pra novuju darohu zaniaŭ 34 chviliny efirnaha času ŭ prahramie «Panarama» z 45 (75%).
Daŭžynia novaha kavałka aŭtadarohi — 27,2 km, maksimalnaja dazvolenaja chutkaść dla lehkavych aŭtamabilaŭ — 120 kiłamietraŭ za hadzinu.
Za čas, pakul pakazvali siužet na ANT, novy kavałak darohi možna prajechać 1,5 razu, a za čas siužeta na BT — 2,5 razy.