Haahski sud dapuściŭ mahčymaść rasśledavańnia rasiejska-hruzinskaj vajny
Mižnarodny kryminalny sud u Haazie dapuściŭ mahčymaść rasśledavańnia padziej zbrojnaha kanfliktu, jaki adbyŭsia ŭ žniŭni 2008 hoda na terytoryi Paŭdniovaj Asiecii i Hruzii z udziełam Rasii.
U pres-relizie na sajcie suda ŭdakładniajecca, što prakuror Fatu Biensuda, vyvučyŭšy najaŭnuju infarmacyju pra kanflikt, uhledzieła ŭ dziejańniach jaho bakoŭ prykmiety złačynstvaŭ, jakija padpadajuć pad jurysdykcyju Haahskaha suda.
Ciapier Biensuda maje namier nakiravać u sud aficyjny zapyt pra rasśledavańnie padziej 2008 hoda. Pa vynikach razhladu zapytu sudździ pałaty papiaredniaha rasśledavańnia vyrašać, zadavolić jaho ci adchilić.
Kanfliktam u Hruzii i Paŭdniovaj Asiecii ŭ Haahskim sudzie zacikavilisia nieŭzabavie paśla spynieńnia bajavych dziejańniaŭ, adnak da ciapierašniaha momantu nijakich pracesualnych rašeńniaŭ na hety kont sud nie pryniaŭ.