U minskich kniharniach skuplajuć knihi Śviatłany Aleksijevič
Litaralna praz hadzinu paśla ašałamlalnaj naviny ŭ staličnych kniharniach pačaŭsia ažyjataž na knihi aŭtara. U «Akademknizie» paśpieli zrabić admysłovy stend.
— U nas jość usie knihi, chutka jašče padviazuć. Jość asobniki navat na anhlijskaj. Ceny pavyšać nie budziem, užo papiaredzili pastaŭščyka. U asnoŭnym kuplajuć apošniuju knihu, «Čas sekand-chend». Zastałosia kala 20 asobnikaŭ. Za pieršuju hadzinu pradali 3—4 knihi. Biełaruskaje vydańnie kaštuje 135 tysiač, rasijskaje — 250 tysiač.
U «Centralnaj» jość tolki knihi Aleksijevič na ruskaj movie. Košt — kala 200 tysiač.
— U nas pradajucca «Cynkavyja chłopčyki», «U vajny nie žanočy tvar» i «Čarnobylskaja malitva». Užo zamovili novuju partyju.
U kniharni «Łohvinaŭ» Aleksijevič užo skončyłasia.
— Apošni asobnik «Času sekand-chend» zabrali litaralna hadzinu tamu. Płanujem darabić nakład abo siońnia ŭviečary, abo z ranicy. Ale kaštavać budzie užo bolš za 200 tysiač.