Jarmošyna napała na naziralnikaŭ, jakija padličvajuć jaŭku: «Heta pravakacyja!»
Kiraŭnik Centrvybarkama Biełarusi Lidzija Jarmošyna padazraje šerah nacyjanalnych naziralnikaŭ u zmovie z metaj pravakacyj padčas vybaraŭ prezidenta ŭ niadzielu.
«Isnuje peŭnaja zmova. Jana adčuvajecca ŭ adnolkavych dziejańniach na šerahu učastkaŭ, asabliva ŭ Minsku, jość jany i ŭ Mahilovie», — skazała Jarmošyna na pres-kanfierencyi ŭ niadzielu.
Pavodle jaje słoŭ, u Mahilovie hrupa naziralnikaŭ padała zajavu ŭ sud, u jakim havorycca «ab nieadpaviednaści kolkaści hramadzian, adznačanych jak prahałasavałych, dadzienym, jakija paličyli sami naziralniki».
Jarmošyna adznačyła, što takija zajavy nie padviedamasnyja sudu. «Heta pravakacyja, kab infarmacyjna zahavaryli pra heta … Hetyja dziejańni vidavočna kimści kaardynujucca», — ličyć Jarmošyna.