Ułachoviča i Hajdukieviča zaprasili na padviadzieńnie vynikaŭ na telebačańnie, a Karatkievič — nie
Dva z troch «alternatyŭnych» kandydataŭ paviedamili, što siońnia ŭviečary ich čakajuć na Biełaruskim telebačańni.
«Nikudy my nie prasilisia, jany sami pazvanili ŭ abied, — paviedamiŭ Aleh Hajdukievič. — Źviarnulisia da nas z ANT. Dakładna ja, viadoma, nie mahu kazać, ale nibyta siońnia ŭviečary płanavałasia pieradača ŭ žyvym efiry z usimi kandydatami».
U štabie Ułachoviča paćvierdzili, što ŭviečary «ataman» pavinien iści na TB. Kazaŭ pra heta i sam Ułachovič. Praŭda, jaki telekanał paklikaŭ, udakładnić ci to nie zachacieli, ci to nie zmahli.
Ale ŭ štabie Taćciany Karatkievič ničoha ni pra jakija pieradačy nie viedajuć. Kiraŭnik štaba, Andrej Dźmitryjeŭ, jak i sama kandydatka, pra viečarovy efir pieršy raz čujuć. Z TB im nichto nie zvaniŭ.