Łazavik: Druhoha tura nie budzie
Prezidenckija vybary ŭ Biełarusi projduć u adzin tur. Heta ŭskosna paćvierdziŭ sakratar Centrvybarkama Mikałaj Łazavik, adkazvajučy na pytańni žurnalistaŭ 11 kastryčnika na pres-kanfierencyi ŭ Minsku.
«Členy vybarčych kamisij, jakija ciapier pracujuć, praz dva tydni mohuć iści ŭ adpačynak», — skazaŭ jon, adkazvajučy na pytańnie, ci spatrebicca druhi tur hałasavańnia.
Łazavik paviedamiŭ, što jamu ŭžo viadomyja vyniki hałasavańnia na zakrytych učastkach, utvoranych u vajskovych čaściach, sanatoryjach, prafiłaktoryjach, damach adpačynku, balnicach, inšych arhanizacyjach achovy zdaroŭja, jakija akazvajuć dapamohu ŭ stacyjanarnych umovach.
Pavodle jaho słoŭ, vyniki hałasavańnia na hetych učastkach źjaŭlajucca «fotazdymkami hałasavańnia pa rehijonach». Adnak pakul Łazavik admoviŭsia nazvać ličby, bo, pavodle jaho słoŭ, jany mohuć akazać ahitacyjnaje ŭździejańnie na tych vybarščykaŭ, jakija jašče nie prahałasavali. Tamu źviestki hałasavańnia na zakrytych učastkach buduć abjaŭlenyja paśla zakryćcia vybarčych učastkaŭ, jakija pracujuć da 20.00.