U Ńju-Jorku prajšoŭ kancert śpiavački ź Biełarusi Taćciany Matafonavaj VIDEA
U niadzielu, 11 kastryčnika, biełarusy Ńju-Jorka sabralisia ŭ hramadska-carkoŭnaj zali na Atłantyk-Avieniu, 401.
Amal kožny tydzień u hetym biełaruskim centry adbyvajucca niejkija imprezy, mierapryjemstvy, akcyi. Hetaja była asabliva cikavaja, bo čakaŭsia kancert viadomaj śpiavački Taćciany Matafonavaj ź Minska. Taćcianu ńju-jorkskija biełarusy dobra viedajuć. U 2009 hodzie jana ŭžo była tut z kancertam i pakinuła samyja dobryja ŭražańni i ŭspaminy. Tamu ciapier jaje vitali z asablivaj ciepłynioj i cikavaściu. Ščymlivyja rodnyja biełaruskija miełodyi raschvalavali prysutnych, adhuknulisia u sercach bolem i smutkam pa dalokaj Baćkaŭščynie. U mnohich byli ślozy na vačach. Prysutnyja sardečna dziakavali talenavitaj śpiavačcy i aktyŭnuju prapahandystcy biełaruskaj kultury. Zaprašali ŭ budučyni znoŭ zavitać u Ńju-Jork.
Taćciana Matafonava ŭ Ńju-Jork pryjechała z nahody prafiesijnych muzyčnych studyj i adnačasna pahadziłasia paradavać svaimi śpievami amierykanskich biełarusaŭ u Ńju-Jorku i Kliŭlendzie. Kancert hety nijak nie byŭ prymierkavany da toj palityčnaj padziei, jakaja u hety dzień adbyvałasia ŭ Biełarusi. Adnak, u słuchačoŭ jon vyklikaŭ nie tolki emacyjanalnyja pačućci, ale i abvostryŭ cikavaść da tak zvanych prezidenckich vybaraŭ. Paśla kancertu ŭvaha prysutnych nakiravałasia na vialiki ekran na scenie, dzie možna było nazirać naŭprostavy repartaž pra akcyju pratestu ŭ centry Mienska.