Niamiecki biznes: Biełaruś moža stać ekanamičnym vuzłom pamiž Zachadam i Uschodam
Namier ES asłabić sankcyi suprać Minska pavinny stać sihnałam dla niamieckich kampanij, miarkuje źniešniehandlovaja pałata FRH.
Płany Brusiela asłabić sankcyi suprać kiraŭnictva Biełarusi pavinny stać sihnałam dla niamieckaha biźniesu, bo hetaja kraina vałodaje vialikim patencyjałam, ličyć źniešniehandlovaja pałata FRH (AHK).
«Biełaruś moža pieratvarycca ŭ ekanamičny vuzieł pamiž Uschodam i Zachadam», — zajaviŭ kiraŭnik minskaha adździaleńnia AHK Uładzimir Aŭhuścinski u intervju ahienctvu dpa, apublikavanym u sieradu, 14 kastryčnika.
Pa słovach Aŭhuścinskaha, niamieckija kampanii pakul zajmajuć u dačynieńni da Biełarusi čakalnuju pazicyju. «Niekatoryja jeŭrapiejskija krainy bolš aktyŭnyja», — ukazaŭ jon dalej.
Pa dadzienych AHK, Hiermanija źjaŭlajecca trecim pa značnaści handlovym partnioram Minska paśla Rasii i Ukrainy. U 2014 hodzie abjom hiermana-biełaruskaha handlu skłaŭ 4,1 młrd dalaraŭ (kala 3,6 miljardaŭ jeŭra). U ciapierašni čas na terytoryi Biełarusi pracujuć kala 360 niamieckich firmaŭ.