Biełaruskamoŭny hurt HURMA vypuściŭ novy albom «Repeat»
Albom rychtavali amal 2 hady. Repeat staŭ nahodaj pasprabavać toje, što hurt HURMA raniej nie rabiŭ: zaprasić siesijnych muzykantaŭ, pašukać pradziusara alboma, zapisać chor, papracavać u studyi z zaprošanymi bek-vakalistami, paviedamlaje tuzin.fm.
«Za hrošy, układzienyja ŭ dysk, možna było b nabyć niebłahuju mašynu. Ale ja rady, što albom vyjšaŭ, zadavoleny tym, jakim jon atrymaŭsia. Ciapier my pradajom dyski, rychtujem sieryju vystupleńniaŭ pa Biełarusi na kursach «Mova Nanova», a zatym vialiki solny kancert-prezientacyju ŭ Minsku. Jana projdzie 27 listapada ŭ novym biełaruskamoŭnym kłubie «Placoŭka Choł»», — raspaviadaje salist hurta Mikita Najdzionaŭ.
10 faktaŭ pra albom Repeat:
- Prypieŭ pieśni «Ptuška» – varyjacyja vierša U.Niaklajeva «Pieralotnaja ptuška złamała kryło ab draty…». Niaklajeŭ u kursie.
- U pieśni «Serca miljonaŭ» śpiavaje chor, stvorany ź siabroŭ dy prychilnikaŭ hurta.
- Ryf pieśni «Vudu» nahadvaje pieśniu «This love» hurta Maroon 5. Tamu miž saboj muzykanty svoj trek nazyvajuć Maroon 5.
- Pałova piesień z alboma hučyć u tanalnaści do dzijez minor. Važnaja infarmacyja.
- Hitaryst Brutto Pavieł Traciak uziaŭ udzieł u zapisie dźviuch piesień. Pryčym u adnoj zajhraŭ jašče na basie.
- «Ja kožny tvoj charej» – adsyłka da vierša A.Sysa, jaki pieraśpiavaŭ hurt Bosaesonca.
- Na soła ŭ pieśni «Ja budu pobač» było zroblena kala 20 dublaŭ. Ale potym hetaje soła prybrali ź pieśni.
- Nazvu albomu prydumała paetka Alisa Minina.
- Na zapisie pieśni Poli vykarystoŭvaŭsia instrumient kłave.
- Vakał pieśni «U cišyni» byŭ zapisany ŭsiaho za adnu siesiju.