Rasijski hurt «Źvieri» admianiaje hastrolny tur pa Biełarusi
Rasijski hurt «Źvieri» na svajoj staroncy ŭ sacsietcy «Vkontaktie» paviedamiŭ pra admienu hastrolnaha tura pa Biełarusi. Pa słovach muzykaŭ, arhanizatary biełaruskich kancertaŭ — Siarhiej Parfionaŭ i Hrodzienskaja abłasnaja fiłarmonija nie vykanali svaje abaviazańni. Kancerty hurta musili adbycca ŭ Minsku, Viciebsku, Hrodnie, Homieli, Babrujsku i Mahilovie.
U intervju kp.by kancertny dyrektar hrupy Lera Ahapava paviedamiła: «Usie damoŭnyja abaviazańni nie byli vykananyja. Hateli nie zabraniravanyja, kvitki nie nabytyja, navat damova była nie padpisanaja! Techničnyja rajdary i maršrutnyja karty nie ŭzhodnienyja».
Darečy, letaś kancerty hurta ŭ Hrodnie taksama nie adbylisia. Tam navat pradavali kvitki na kancert, adnak vyjaviłasia, što artysty hastralavać tut nie źbiralisia.